आमदारांनी केले ‘ईव्हीएम हटाव, लोकशाही बचाव’ आंदोलन

 

नागपूर : हिवाळी अधिवेशनाच्या पहिल्या दिवशी महाविकास आघाडीच्या नवनिर्वाचित आमदारांनी विधिमंडळाच्या प्रवेशद्वारावर "ईव्हीएम हटाव, लोकशाही बचाव" आंदोलन केले. या आंदोलनाद्वारे त्यांनी ईव्हीएम प्रणालीवर तीव्र नाराजी व्यक्त केली आणि पारदर्शक निवडणुकीसाठी पारंपरिक मतपत्रिकांवर परत जाण्याची मागणी केली. निवडणूक प्रक्रियेत सुधारणा आणि लोकशाही मजबूत करण्यासाठी या मुद्द्यावर ठोस चर्चा होण्याची मागणी करण्यात आली. या आंदोलनाने लोकशाही प्रक्रियेतील पारदर्शकतेचा मुद्दा अधोरेखित केला आहे.