पिस्टल व काडतूस जप्त : युवकास अटक

यवतमाळ : पिस्टल व काडतूस घेवून रोडवर थांबून असलेल्या युवकाला पोलिसांनी ताब्यात घेतले. त्याच्याकडून पिस्टल, दोन जिवंत काडतूस जप्त करण्यात आले. स्थानिक गुन्हे शाखेच्या पथकाने १७ जानेवारी रोजी खंडाळा फाटा येथे करण्यात आली.

सैय्यद समीर ऊर्फ बाबू सैय्यद कलंदर वय 29 वर्ष, रा. काझीपुरा अनसिंग ता. जि. वाशिम असे आरापीचे नाव आहे. पुसद तालुक्यातील खंडाळा फाट्यावर एक इसम गावठी बनावटीची देशी पिस्टल घेवून असल्याची माहिती स्थानिक गुन्हे शाखेच्या पथकाला मिळाली होती. त्यावरुन पोलिसांनी घटनास्थळ गाठून पकडले. त्याच्याकडून पिस्टल, दोन काडतूस असा ३२ हजार रुपयाचा मुद्देमाल जप्त करण्यात आला. पोलीस स्टेशन खंडाळा येथे अप. क्रमांक 17/2025 भारतीय हत्यार कायदा कलम 3, 25 अन्वये गुन्हा नोंदीसह कार्यवाही करण्यात आली आहे.

सदरची कारवाई पोलीस अधीक्षक कुमार चिंता, अपर पोलीस अधीक्षक पियुष जगताप, उपविभागीय पोलीस अधिकारी तथा अति पोलीस अधीक्षक हर्षवर्धन बी. जे. सा, पोलीस निरीक्षक सतीश चवरे स्थानिक गुन्हे शाखा यांचे मार्गदर्शनात सहा. पोलीस निरीक्षक गजानन गजभारे, पोलीस उपनिरीक्षक शरद लोहकरे, पोलीस हवालदार संतोष भोरगे, पोलीस हवालदार तेजाब रणखांब, पोलीस हवालदार सुभाष जाधव, पोलीस हवालदार कुणाल मुंडोकार, पोलीस हवालदार रमेश राठोड, पोलीस शिपायी सुनिल पंडागळे, चा.पो.उप.नि. रविंद्र श्रीरामे यांनी केली.