रस्ता क्रॉस करतांना ट्रकची धडक : एक महिला ठार, एक महिला जखमी

महागाव (यवतमाळ) : शेताजवळ असलेल्या डिव्हायडर जवळ रस्ता क्रॉस करता असतांना अचानक ट्रकने धडक दिली. या अपघातात एक महिला ठार झाली असून, दुसरी महिला जखमी झाली. ही घटना आज २५ जाजेवारी रोजी दुपारी ३ वाजताच्या सुमारास दहिसावळी या गावापासून ५०० मीटर अंतरावर घडली.

नेत्रा संजय लोंढे वय ४४ रा दहिसावळी असे मृतकाचे नाव आहे. तर वंदना पांडुरंग पालनकर वय ४० असे जखमी महिलेचे नाव असून, तीला यवतमाळ येथे उपचारासाठी पाठविण्यात आले. सदर महिलाही रस्त्याच्या कडेने जात असताना डिव्हायडर क्रॉस करतांना हा अपघात झाला. घटनास्थळावरून चालकाने ट्रक घेऊन पोबारा केला. मृतक महिलेला सवना ग्रामीण रुग्णालय शवविच्छेदन साठी पाठवण्यात आले. शवविच्छेदन करून मृतदेह नातेवाईकांच्या ताब्यात दिले. पुढील चौकशी महागाव पोलीस स्टेशनचे ठाणेदार धनराज निळे यांच्या मार्गदर्शनात बीट जमादार दिनेश आडे, गजानन राठोड, महिला पोलीस किरण नागोसे करत आहे.