ग्रामिण भागातील विद्यार्थीही हुश्शार ! ; विद्यार्थ्यांना होणार विमानवारी

 चिकणी डो. येथील झेड.पी. शाळेच्या विद्यार्थ्यांची उंच भरारी

यवतमाळ : सद्या शहरी भागात इंग्रजी माध्यमाच्या शाळेची संख्या दिवसागणिक वाढत आहे. त्यामुळे मुलांना इंग्रजी माध्यमाच्या शाळेत शिकविण्याची क्रेझ निर्माण झाली आहे. त्यामुळे ग्रामिण भागातील जिल्हा परिषद शाळेतील विद्यार्थ्यांची पटसंख्या कमी झाल्याचे चित्र पहावयास मिळत आहे. तसेच इंग्रजी माध्यमाचे विद्यार्थी व ग्रामिण भागातील विद्यार्थी यांच्यात दरी वाढत चालली आहे. असे असले तरी ग्रामिण भागातील नेर तालुक्यातील चिकणी डोमगा येथील जिल्हा परिषद प्राथमिक शाळेतील तीन विद्यार्थ्यांनी महादिपच्या परिषदेत भरघोष यश मिळविले असून, ग्रामिण भागातील विद्यार्थीही हुश्‍शार असल्याचे दाखवुन दिले आहे. महादिपच्या परिक्षेत यश प्राप्त केल्योन ते विमानवारीसाठी पात्र ठरले आहे.  

नेर पंचायत समिती अंतर्गत जिल्हा परिषद उच्च प्राथमिक मराठी शाळा चिकणी डोमगा येथील सहाव्या वर्गातील तीन विद्यार्थी विमानवारीसाठी निवड झाली आहे. जिल्ह्यातून सहाच्या वर्गातून प्रथम येणाचा मान शाळेतील आयुष मनोज गोगटे या विद्यार्थ्याला प्राप्त झाला. तर विश्व सुग्रीव बांबोर्डे, भावेश रविंद्र माहूरे विद्यार्थ्यांचा समावेश आहे. जि.प.उच्च प्राथमिक मराठी शाळा चिकणी डोमगा येथील मुख्याध्यापक वैद्य, शिक्षीका बोंदरे वैद्य, शिक्षक प्रभुचरण कोल्हे यांनी मेहनत घेवून महादिप या स्पर्धा परिक्षेसाठी विद्यार्थ्यांकडून तयारी करुन घेतली. त्यामुळे सलग तिसऱ्या वर्षी महादिप मध्ये आलेख वाढला असून, हे यश प्राप्त झाले आहे.

विद्यार्थ्यांसह शिक्षकांचा सत्कार

डायटचे अधिव्याख्याता वायवळ, गटशिक्षणाधिकारी मंगेश देशपांडे, शालेय पोषण आहार अधिक्षिका वंदना नाईक, महादिपचे तालुका समन्वयक गणेश मेंढे, बिआरसीचे विशेष शिक्षक राहूल वरठी  या मान्यवरांनी शाळेत भेट दिली. त्यांनर विमाणवारी साठी पात्र ठरलेल्या आयुष मनोज गोगटे, विश्व सुग्रीव बांबोर्डे, भावेश रविंद्र माहूरे यांच्यासह मुख्याध्यापक व शिक्षकांचा सत्कार केला. तसेच विद्यार्थ्यांना पेन वहीचे वाटप केले.