बिबट्याने केली कालवडीची शिकार

 महागाव तालुक्यातील घटना

यवतमाळ : बिबट्याने कालवडीची शिकार केल्याची घटना काल सायंकाळी महागाव तालुक्यातील अनंतवाडी शिवारात घडली. दिनांक २ फेब्रुवारी रोजी सायंकाळी अनंतवाडी शिवारात शेतकरी श्याम कवाने यांच्या शेतात २ वर्षाची कालवडीवर बिबट्याने हल्ला करून ठार मारले. सदर घटनेची माहिती वन विभागाच्या अधिका-यांना देण्यात आली. यावेळी वन विभागाचे वनरक्षक जी. जी. शेळके यांनी पंचनामा करून वन विभागाला अहवाल पाठविला. या बिबट्याच्या हल्ल्यामुळे शेतकऱ्यांमध्ये भीतीचे वातावरण पसरले आहे.