गांजाची विक्री करणाऱ्या इसमास अटक

यवतमाळ : उमरखेड पोलीस ठाण्याच्या हद्दीत येणा-या बिटरगाव रोडवरील कॅनलवर गांजा घेवून असलेल्या इसमास अटक करण्यात आली. त्याच्याकडून गांजा 1 किलो 196 ग्राम गांजा किंमत 23,920/-रुपये चा मुद्देमाल जप्त करण्यात आला. उमरखेड पोलिस ठाण्याच्या डि.बी. पथकाने ही कारवाई केली.

इब्राहिम खान पिर खान वय 55 वर्ष असे आरोपीचे नाव आहे. दि. 13 फेब्रुवारी रोजी पोलीस स्टेशन उमरखेड शहर हद्दीतील रहिमनगर उमरखेड कडील बिटरगाकडे कच्चा रस्त्याला लागुन असलेल्या कॅनालच्या पुलावर एक इसम गांजाची विक्री करण्याच्या उ‌द्देशाने बिटरगांव कॅनॉलच्या कच्च्या रस्त्यानी येत असल्याची माहिती डिटेक्शन ब्रॅचला मिळाली होती. त्या आधारे बिटरगाव कॅनॉलच्या कच्च्या रस्त्याने सापळा रचुन इब्राहिम खान पिर खान याला अटक केली. त्याच्याकडून गांजा अमंली पदार्थ 1 किलो 196 ग्राम गांजा किंमत 23,920/-रुपये चा मुद्देमाल जप्त केला. याप्रकरणी उमरखेड पोलिसांनी आमंली औषधी मनप्रभावी पदार्थ अधिनियम चे कलम 8 (क), 20 (ब), (2), (ब) अन्वये गुन्हा दाखल केला. सदर कारवाई पोलीस अधीक्षक कुमार चिंता, अपर पोलीस अधीक्षक पियुष जगताप, उपविभागीय पोलीस अधिकारी  हनुमंत गायकवाड उमरखेड, ठाणेदार पोलीस निरीक्षक, शंकर पांचाळ यांचे मार्गदर्शनाखाली पो. स्टे. उमरखेड डिटेक्शन बॅचचे पोलीस उपनिरीक्षक सांगर इंगळे, पोहवा संदिप ठाकुर, पोहवा दिनेश चव्हाण, पो.कॉ. संघशिल टेंबरे, पो.कॉ. निवृत्ती माहानळ, पो.कॉ. घुसे, म.पो.कॉ. सिमा इंगळे, चापोहवा समिर यांनी केली. पुढील तपास स.पो.नि. पांडुरंग शिंदे हे करीत आहे.