दोन घर फोडले : दागिन्यासह लाखोंचा मुद्देमाल लंपास

यवतमाळ : चोरीच्या घटना सातत्याने वाढत असून, चोरट्यांनी करंजी येथे दोन घर फोडले. त्यामधून सोन्याच्या दागिन्यासह लाखोंचा मुद्देमाल लंपास केला. ही घटना आज भरदुपारी घडल्या आहे.

करंजी येथील संदीप घोटेकर यांच्या बंद घराचे कुलुप तोडून चोरट्यांनी आत प्रवेश केला. कपाटातील ट्रॉप मधून ६० हजार रुपये रोख व सोन्या चांदीचे दागिने असा लाखोंचा मुद्देमाल चोरून नेला. तसेच सुभाष पांडूरग वासेकर याच्या घरातही चोरट्यांनी प्रवेश करून कपाटातून २० हजार रुपे व १२ ग्रॅम सोन्याचा गोफ, ५ ग्रॅम सोन्याची अंगठी, ३ ग्रॅम सोन्याची अंगठी, ५ ग्रॅमच  कानातले असा लाखोंचा मुद्देमाल चोरून नेला. या घटनेची तक्रार पांढरकवडा पोलीस ठाण्यात दिली. पोलिसांनी गुन्हा दाखल केला असून, पुढील तपास सुरु आहे.