पाणी गरम करतांना गॅस सिलेंडरचा स्फोट : दोन घराला आग

दिग्रस शहरातील घटना : लाखोंचे साहित्य जळून खाक

यवतमाळ : गॅस शेगडीवर पाणी गरम करतांना अचानक गॅस सिलेंडरचा स्फोट झाला. त्यामुळे दोन घराला आग लागली. या आगित जिवनावश्‍यक वस्तू, साहित्य जळून खाक झाले असून, तीन लाख रुपयाचे नुकसान झाले. ही घटना दिग्रस शहरातील देवनगर येथे ५ फेब्रुवारी २०२५ रोजी सकाळी ६ वाजताच्या दरम्यान घडली. सुदैवाने या घटनेत कुठलीही जीवितहानी झाली नाही.

दिग्रस शहरील देवनगर येथील रहिवासी अशोक मंगल सडमाके यांच्या घरी गॅस शेगडीवर पाणी गरम करीत होते. अचानक गॅस सिलेंडर चिरल्याने सिलेंडरचा स्फोट झाला. या स्फोटाची झळ लक्ष्मण सडमाके (वय -५२) रा. देवनगर दिग्रस यांच्या घरालगत असलेल्या दोन्ही घराला पोहिचली. यामध्ये  टीव्ही, कुलर, पंखे, फ्रीज, सायकल, मोबाईल, कपडे, होम थेटर, भाडे कुंडी, टिनपत्रे, पाण्याच्या टाक्यासह, प्लास्टिक, लाकडी साहित्य, कपडे लत्ते, गादी, घरातील धान्य सह घरात ठेवलेले नगदी अंदाजे साडे चार हजार रुपये व वस्तू जळून खाक झाल्याने जवळपास ३ लाखाचे नुकसान झाले आहे. गॅसला आग लागली तेव्हा दोन्ही घरातील मंडळींनी घराबाहेर आल्याने सुदैवाने जीवितहानी टळली.

अग्निशमन दलाने विझवली आग

या आगिची माहिती मिळताच मुख्याधिकारी डॉ. अतुल पंत यांनी तात्काळ अग्निशमन दलाला घटनास्थळी पाठवले. अग्निशमन दलाचे आश्विन इंगळे, सागर शेळके, अब्दुल नासिर, सहदेव उघडे यांनी आग आटोक्यात आणली. मात्र सर्व साहित्याची राखरांगोळी झाली.

घटनास्थळाचा पंचनामा

तहसीलदार मयूर राऊत यांच्या आदेशाने तलाठी प्रणिश दुधे व कर्मचाऱ्यांनी या घटनेचा पंचनामा केला. या आगीत झालेल्या सर्व अत्यावश्यक व जीवनावश्यक वस्तू जळून खाक झाल्याने दोन्ही परिवार बेघर झाले. अंगावरील कपडे फक्त त्यांचे शिल्लक राहिले असून शासनाने व सामाजिक संघटनेने त्यांना मदतीचा हात द्यावा अशी मागणी होत आहे.