रंगपंचमी : तलावात बूडून दोघांचा मृत्यु

यवतमाळ : जिल्ह्यात होळी व रंगपंचमी हा सण उत्साहात साजरा करण्यात आला. रंगपंचमी खेळून काही युवक मंडळी तलावात आंघोळ करण्यासाठी गेले होते. यामध्ये दोन जणांचा पाण्यात बुडून मृत्यू झाला. ही घटना कळंब तालुक्यातील खोरद येथील तलावात शुक्रवारी घडली. 

पंकज अशोकराव झाडे वय 35 वर्ष रा. झाडगाव तालुका राळेगाव,  जयवंत पंढरी धनफुले वय 28 वर्ष रा. मार्डी ता. मारेगाव असे मृतकांची नावे आहेत. पोलिस स्टेशन कळंब हद्दीतील खोरद येथील तलावामध्ये मृतक पंकज झाडे, जयंत धनफुले यांच्यासह पवन वसंतराव घोटेकर रा. झाडगाव,  प्रविण अरुण भोयर रा खोरद , सागर वसंतराव घोटेकर रा.  झाडगाव हे पाच जण रंग पंचमी खेळून आंघोळ करण्यासाठी गेले होते. त्यापैकी पोहता येत नसल्याने दोन जणांचा पाण्यात बुडून मृृत्यू झाला. मृतक पंकज झाडे याचा मृतदेह मिळाला असून,  जयवंत  धनफुले याची बॉडी मिळाली नाही.