अपघातात दोन जण ठार, ३ जण जखमी

 

यवतमाळ : दोन दुचाकीची समोर समोर धडक झाली. या भिषण अपघातात दोन जण जागीच ठार झाले असून, तीन जण गंभीर जखमी झाले. जखमींना यवतमाळ येथील शासकीय रुग्णालयात दाखल करण्यात आले. सायखेडा दहेली या गावा दरम्यान ही घटना घडली.

संदीप बट्टे रा. दहेली व अंकुश आडे रा. येळाबारा असे मृतकांची नावे आहे. तर लक्ष्मण रामभाऊ बट्टे, विक्की राजु बोरकुडे,  निकेश नैताम अशी जखमींची नावे आहे. घाटंजी सोनखास रस्त्या दरम्यान सायखेडा जवळ एम.एच. २९ ए एफ ४८३२ व एम.एच. २९ यु ४१८७ क्रमांकाच्या दोन दुचाकीमध्ये समोरा समोर धडक होऊन भीषण अपघात झाला. या अपघातात दोघांचा मृत्यु झाला. तर ३ जण गंभीर जखमी झाले. जखमींना यवतमाळ येथे उपचारार्थ दाखल करण्यात आले आहे. सायखेडा दहेली दरम्यान काल बुधवारी ५ मार्च रोजी रात्री ८ वाजताच्या सुमारास घडली. या घटनेची माहिती मिळताच वडगाव जंगल पोलिसांनी घटनास्थळ गाठून पंचनामा केला. अपघातात ठार झालेल्या दोघांचे मृतदेह उत्तरीय तपासनीसाठी घाटंजी येथील ग्रामिण रुग्णालयात पाठविण्यात आले. या प्रकरणी वडगांव जंगल पोलीसांनी गुन्हा दाखल केला असून, पुढील तपास सुरु आहे.