ब्रेकींग : बंदुकीच्या धाकावर दरोडा : एका महिलेवर रोखली बंदुक, दुस-या महिलेच्या गळ्यावर ठेवला चाकु

 सोन्यासह लाखोंचा मुद्देमाल लंपास, आरोपींचे वाहन सिसिटीव्हीत कैद : आरोपी जेरबंद

यवतमाळ : अलिशान वाहनाने आलेल्या दरोडेखोरांनी एका किराणा व्यावसायीकांचे घर गाठले. भरदिवसा घरात घुसून घरात असलेल्या दोन महिलेच्या तोंडाला पट्टी लावली. एका महिलेवर बंदुक रोखली, दुसर-या महिलेच्या गळ्यावर चाकु ठेवला. त्यानंतर दोरखंडाने हातपाय बांधुन नंतर डोळ्यावर पट्टी बांधली. त्यानंतर घरातून लाखो रुपये रोख, सोने व चांदी असा लाखों रुपयाचा मुद्देमाल लुटला. ही खळबळजनक घटना दारव्हा शहरातील बारीपुरा परिसरात भरदिवसा दुपारी १ वाजताच्या सुमारास उघडकीस आली. दरम्यान खंडाळा पोलिसांनी शेंबाळपिंप्री परिसरात दरोडेखोरांना जेरबंद केले.
गणेश वसंतराव काळबांडे रा. राम मंदिरा जवळ बारीपुरा दारव्हा असे किराणा व्यावसायीकांचे नाव आहे. त्यांचे बळीराम पुंजाजी काळबांडे नावाने शहरातील अतिशय जुने किराणा प्रतिष्ठान आहे. बेलोरो वाहनाने आलेल्या दरोडेखोर गणेश बाळबांडे यांच्या घरात घुसले. काही कळायच्या आत घरात असलेल्या दोन महिलांच्या तोंडावर पट्टी बांधली. त्यानंतर एका महिलेवर बंदुक रोखली, दुस-या महिलेच्या गळ्यावर चाकु ठेवला. दोरखंडाने महिलांचे हात पाय बांधुन ठेवले. त्यानंतर घरातून चार लाख रुपये रोख, २५ तोडे सोने, दोन किलो चांदी असा ३० ते ३५ लाख रुपयाचा मुद्देमाल लुटला. चारचाकी वाहनातून दरोडेखोरांनी पोबारा केला. दरम्यान काळबांडे हे दुकानातून घरी जेवन करण्यासाठी घरी परत आल्यावर हा खळबळजनक प्रकार उघडकीस आला. या घटनेची वार्ता परिसरात पसरताच नागरिकांनी एकच गर्दी केली होती. या घटनेची माहिती मिळताच दारव्हा पोलीसांनी घटनास्थळ गाठले. उपविभागीय पोलीस अधिकारी व अन्य पोलीस पथकांनी घटनास्थळी भेट दिली.

सिनेस्टाईल आरोपींना अटक

दारव्हा येथे दरोडा टाकुन पसार झालेल्या दरोडेखोरांना अटक करण्यासाठी जिल्ह्यात सर्वत्र नांकेबंदी करण्यात आली. तसेच स्थानिक गुन्हे शाखेसह अन्य पोलिस पथक विविध ठिकाणी रवाना झाले होते. दरम्यान पोलीस मागावर असल्याची भनक लागल्याने शेंबाळपिंप्री शिवारात दरोडेखोरांनी आपले वाहन उभे केले. त्यानंतर तेथून शेतातून पसार होण्याच्या मार्गावर होते. खंडाळा पोलिसांनी सिनेस्टाईल पाच किमी अंतर पाठलाग करुन आरोपींना जेरबंद केले. अश्रफ परवेज खान, महेश रामप्रसाद पिंपरणे, आदर्श देवी सिंग बिडला, कार्तीक रमेश डुलकेजा, गणेश शाम कोटूरवार सर्व रा.  नांदेड अशी आरोपींची नावे आहे. अन्य २ आरोपींची नावे कळू शकली नाही.

 

Post a Comment

0 Comments