विविध क्षेत्रातील महिलांचा सन्मान

जिल्हा युवक काँग्रेसतर्फे सोहळ्याचे आयोजन

यवतमाळ : जागतिक महिला दिनाच्या निमित्ताने यवतमाळ जिल्हा युवक काँग्रेसच्या वतीने दि. 9 मार्च रोजी यवतमाळ जिल्हा काँग्रेस कमिटी कार्यालय, आर्णी रोड,यवतमाळ महिलांचा सत्कार व सन्मान सोहळ्याचे आयोजन केले होते. यावेळी कला, साहित्य, कृषी, व्यवसाय, उद्योग, आरोग्य, महिला सक्षमीकरण, ब्लड मुव्हमेंट अशा विविध क्षेत्रांमध्ये उल्लेखनीय कार्य करणाऱ्या 20 महिलांचा सन्मान करण्यात आला. 100 महिलांचा प्रशस्तीपत्र व वटवृक्ष देऊन सत्कार करण्यात आला.

प्रास्ताविक यवतमाळ जिल्हा युवक काँग्रेसचे जिल्हाध्यक्ष प्रमोद बगाडे यांनी केले. यावेळी कृष्णा पुसनाके जिल्हाध्यक्ष सोशल मीडिया काँग्रेस कमिटी, आयुषी देशमुख प्रदेश सचिव युवक काँग्रेस, वंदना आवारी, स्वाती येंडे, वैशाली सवाई, शैलजा बोबडे, वर्षा निकम, किरण मोघे, उषा दिवटे, सलमा शेख, विद्या परचाके, प्रियंका बिडकर, वर्षा मोकाशे उपस्थित होते. या कार्यक्रमाचे संचालन प्रा. पंढरी पाठे यांनी केले. तर आभार प्रदर्शन प्रतीक नारलावार यांनी मानले.

या महिलांचा सन्मान

महिला दिना निमित्त अयोजिक कार्यक्रमात प्रीती बोरकर, विजया भगत, निशा बुटले, शोभा पारधी, पपीता माळवे, प्रांजल आंबुलकर, डॉ.तावडे, डॉ. सुधा खोडके, प्रा. सोनल देशमुख, स्नेहल सोनटक्के, माधुरी अंजीकर, पद्मा पुरी, ज्ञानेश्वरी कळंबे, अश्विनी कार्लेकर, विद्या खडसे, मोहिनी हजारे, वैशाली रामटेके, भावना लेडे, वनिता शिरफुले, चेतना राऊत, प्रिया डाखोडे आदी महिलांचा सन्मान करण्यात आला.