ब्रेकींग : खवले मांजराची तस्करी व विक्रीचा डाव उधळला : सहा जणांना अटक : वन्यजीव कायद्याअंतर्गत गुन्हे दाखल

यवतमाळ : दुर्मिळ वन्यप्राणी खवले मांजराची तस्करी व विक्रीचा डाव उधळण्यात आला. या प्रकरणी वन्यजीव संरक्षण कायद्यांतर्गत गुन्हे नोंदवून सहा अटक करण्यात आली आहे. ही कारवाई वनविभागाच्या पथकाने सोनखास हेटी फाट्यावर केली.

शंकर पुनाजी हुमने रा. भारी, यवतमाळ, कौसल मनोहरप्रसाद तिवारी रा. यवतमाळ, युनूस खान गफार खान रा.  अमरावती, विनोद रोहिदास राठोड रा. जांभूळणी ता. यवतमाळ, संतोष मनोहरप्रसाद तिवारी रा. यवतमाळ, अनिस खान अहमद खान रा. अमरावती अशी अटक केलेल्या आरोपींची नावे आहे. काही अज्ञात व्यक्ती दुर्मिळ वन्यजीव खवले मांजराची अवैध तस्करी व विक्री करणार असल्याची खात्रीलायक गोपनिय माहिती वनविभागास प्राप्त झाली होती. त्यानुसार यवतमाळ प्रादेशिक वनविभागाच्या अधिकारी, कर्मचाऱ्यांनी सापळा रचून बनावट खरेदीदार सोनखास हेटी फाट्यावर सावर रोड येथे पाठविला होता. तेथे असलेल्या 6 इसमांना पथकाने सिताफीने ताब्यात घेतले. या इसमांची चौकशी केल्यानंतर त्यांनी वन्यप्राणी खवले मांजर अवैधरित्या ताब्यात घेऊन त्याची विक्री करण्याचा प्रयत्न केल्याचे दिसून आले. तसेच खवले मांजराची शिकार करून मृत्यूस जबाबदार असल्याचे आढळून आल्याने शंकर पुनाजी हुमने भारी, यवतमाळ, कौसल मनोहरप्रसाद तिवारी यवतमाळ, युनूस खान गफार खान अमरावती, विनोद रोहिदास राठोड जांभूळणी ता. यवतमाळ, संतोष मनोहरप्रसाद तिवारी यवतमाळ, अनिस खान अहमद खान अमरावती यांच्याविरोधात वन्यजीव संरक्षण अधिनियमाच्या कलम 9, 39, 51 ई. अन्वये वनगुन्हा दाखल करून अटक करण्यात आली.

दोन दिवस वन कोठडी

अटकेनंतर सर्व आरोपींना प्रथम वर्ग न्याय दंडाधिकारी यांच्या न्यायालयासमोर सादर करण्यात आले. न्यायालयाने सर्व आरोपींना दोन दिवसांची वन कोठडी सुनावली आहे. कोणत्याही वन्य प्राण्यांची शिकार करणे, अनधिकृतपणे त्यास ताब्यात घेणे व त्याची तस्करी करून विक्री करणे कायद्याने प्रतिबंधित आहे. अशा प्रकारचे कृत्य कोणीही करू नये, असे आवाहन उपवनसंरक्षक धनंजय वायभासे यांनी केले आहे.

कारवाई करणारे पथक

कारवाई उपवनसंरक्षक धनंजय वायभासे यांच्या मार्गदर्शनाखाली सहायक वनसंरक्षक निलेश सोनवणे, दादासाहेब तौर, उपविभागीय वन अधिकारी संतोष चव्हाण यांच्या नेतृत्वात नेरचे वनपरीक्षेत्र अधिकारी सुभाष लंबे, संरक्षण व अतिक्रमण निर्मूलन कार्यालय यवतमाळचे वनपाल बिजवार, वनरक्षक जिरापुरे, केराम, घाटोडे, नांदणे पोलिस अंमलदार, भवरे, वनरक्षक मोहिते, ठेंगडे, मुसळे, बागडे, नाटकर, काळे, वाहनचालक नागमोते यांनी केली.