ब्रेकींग : रामनवमीच्या पूर्वसंध्येला देशी कट्टा (पिस्टल) सह दोन तलवार जप्त ; दोन आरोपींना अटक

 

यवतमाळ : उमरखेड चुरामुरा डॅम परिसरातून एका युवकाजवळून एक गावठी बनावटिचा देशी कटटा (पिस्टल) व मैगजीन त्यामध्ये 6 राउड जप्त करण्यात आले. तर  अहेबाब कॉलनीतील रहिवासी असलेल्या युवकाच्या घरातून दोन धारदार तलवारी जप्त केल्या आहे. रामनवमीच्या पुर्वसंध्येला उमरखेड पोलीस व एलसीबीच्या पथकाने ही कारवाई केली.

विजय गणेश भिमेवाड वय 23 वर्ष रा. शिवाजी वार्ड उमरखेड, शोएब ऊर्फ शेख इब्राहीम शेख रहीम वय 20 वर्ष, रा. अहेबान कॉलनी उमरखेड अशी आरोपींची नावे आहे. रामनवमी उत्सवाचे अनुषंगाने दि. ५ एप्रिल रोजी उमरखेड पोलीस स्टेशन प्रभारी अधिकारी शंकर पांचाळ व पोलीस निरीक्षक सतीश चवरे स्थानिक गुन्हे शाखा, यवतमाळ यांच्या संयुक्त मार्गदर्शनात दोन वेगवेगळी पथके तयार केली. उमरखेड पोलीस स्टेशन हददीत कारवाई करण्याचे आदेशित केले होते. त्याप्रमाणे पोउपनिरी सागर इंगळे व त्यांचे पथकांने मिळालेल्या गोपनिय माहीती नुसार विजय भिमेवाड रा. शिवाजी वार्ड यास चुरमुरा डॅम परिसरातून शिताफिने ताब्यात घेण्यात आले. त्याची झडती घेतली असता त्याचे कमरेला एक गावठी बनावटिचा देशी कटटा, (पिस्टल) व मैगजीन त्यामध्ये 6 राउड किंमत 15,000 रु. असे मिळून अले. सदर मु‌द्देमाल जप्त करुन विजय भिमेवाड यास ताब्यात घेतले.

तर स्थानिक गुन्हे शाखा यवतमाळ पथकांस मिळालेल्या गोपनिय माहीती नुसार शोएब ऊर्फ शेख इब्राहीम शेख रहीम रा. अहेबाब कॉलनी उमरखेड यांचे घरी जावून घरझडती घेतली. त्याचेकडे दोन लोखंडी धारधार तलवार किंमत 3500 रु. ची मिळून आल्याने ते जप्त करुन ताब्यात घेतले. गुन्हे प्रगटीकरण पथक उमरखेड व स्थानिक गुन्हे शाखा यवतमाळ यांनी रामनवमी सणाच्या पूर्व संध्येला संयुक्तीकरित्या आरोपी विजय गणेश भिमेवाड वय 23 वर्ष रा. शिवाजी वार्ड उमरखेड यास ताब्यात घेवून त्यांच्या विरुध्द उमरखेड पोलीस स्टेशन येथे कलम 3, 25 भारतीय हत्यार कायदा अन्वये गुन्हा दाखल केला. तर शोएब ऊर्फ शेख इब्राहीम शेख रहीम वय 20 वर्ष, रा. अहेबान कॉलनी उमरखेड यांच्या विरुध्द उमरखेड पोलीस स्टेशन येथे कलम 4, 25 भारतीय हत्यार कायदा अन्वये गुन्हा नोंद केला.

सदरची कारवाई जिल्हा पोलीस अधिक्षक पोलीस अधीक्षक कुमार चिता (भा.पो.से), अपर पोलीस अधीक्षक, पियुष जगताप, उपविभागीय पोलीस अधिकारी हनुमंत गायकवाड, पोलीस निरीक्षक सतीश चवरे स्थानिक गुन्हे शाखा यवतमाळ, पोलीस निरीक्षक शंकर पांचाळ, उमरखेड पोलीस स्टेशन यांचे मार्गदर्शनात सहा. पोलीस निरीक्षक गजानन गजभारे, सहा. पोलीस निरीक्षक पांडुरंग शिंदे, पोउपनि शरद लोहकरे, स्थागुशा यवतमाळ, पोउपनि सागर इंगळे गुन्हे प्रगटीकरण पो. स्टे. उमरखेड, पोहवा संतोष भोरगे, पोहवा तेजाब रणखांब, पोहवा सुभाष जाधव, पोहवा रमेश राठोड, पोहवा कुणाल मुंडोकार, पोशि सुनिल पंडागळे, चापोकॉ राजेश जाधव सर्व नेम-स्थानिक गुन्हे शाखा यवतमाळ, पोहवा दिनेश चव्हाण, पोहवा गिरीष बेंद्रे, पोशि संघशिल टेंभरे, पोशि निवृत्त महाळनर, पोशि प्रफुल घुसे पोलीस स्टेशन उमरखेड यांनी संयुक्तरित्या यशस्वीपणे पार पाडली आहे.