आंतरराज्यीय ड्रग्ज तस्काच्या मुसक्या आवळल्या : मध्यप्रदेश – राजस्थान सिमेवरील भावगढ येथे एलसीबीची कारवाई

यवतमाळ : नागपूर येथून ड्रग्जची तस्कारी करणा-या दोन आरोपींना स्थानिक गुन्हे शाखेच्या पथकाने अटक केली होती. या प्रकरणाचा तपास करुन आंतरराज्यीय ड्रग्ज तस्कराला मध्यप्रदेश राजस्थान सिमेवरील भावगढ येथून अटक करण्यात आली. आतापर्यंत अटक केलेल्या आरोपींची संख्या तीन झाली आहे. त्याच्याकडून 3,13,050/- रुचे MD (Mephedrone) ड्रग्ज जप्त करण्यात आले.

अय्युब खान ऊर्फ अली खान हबीब खान वय ४० वर्ष, रा. बोरखेडा, ता. पिपलोदा, जि. रतलाम (मध्यप्रदेश) ह.मु. भावगढ, जि. मंदसौर (मध्यप्रदेश) अशी आरोपीचे नाव आहे. पोलीस अधीक्षक कुमार चिंता यवतमाळ यांचे नेतृत्वात यवतमाळ जिल्ह्यात राबविण्यात येत असलेल्या अंमली पदार्थ विरोधी मोहिमे दरम्यान दिनांक २८/०३/२०२५ रोजी कळंब येथे अप.क्र. २०७/२०२५ कलम ८ (क), २१ (क), २९ एन. डी. पी. एस अॅक्ट अंतर्गत गुन्हा दाखल केला. सदर गुन्ह्यात नागपूर येथील अभय राजेंद्र गुप्ता वय ३० वर्ष रा. बुटीबोरी, एक.आय.डी.सी, जि. नागपूर, इस्तीयाक हुसेन मुस्तफा हुसेन ऊर्फ इस्तीयाक खातीब वय ४५ वर्ष रा. बडा ताजबाग, ह.मु. निर्मल नगरी, टाऊनशिप, नागपूर यांना अटक करुन त्यांचेकडून अंमली पदार्थ व नगदी असा मुद्देमाल जप्त करण्यात आला होता.

यवतमाळ सह विदर्भामध्ये अंमली पदार्थ ड्रग्ज कोठून येते याची माहिती घेतली असता सदर गुन्ह्यामध्ये अय्युब खान ऊर्फ अली रा. मध्यप्रदेश याचे नाव निष्पन्न झाला. मध्यप्रदेश येथे जाऊन अली खान विषयी माहिती घेत असतांना अली हा मध्यप्रदेश-राजस्थान सिमेवरील भावगढ या गावामध्ये असल्याची माहिती स्थानिक गुन्हे शाखेच्या पथकाला मिळाली होती. त्यावरुन दि. ६ एप्रिल रोजी रात्री दरम्यान अय्युब खान ऊर्फ अली खान हबीब खान वय ४० वर्ष, रा. बोरखेडा, ता. पिपलोदा, जि. रतलाम (मध्यप्रदेश) ह.मु. भावगढ, जि. मंदसौर (मध्यप्रदेश) याला सापळा रचून शिताफीने अटक केली. त्याच्या ताब्यात असलेले ६२.६१ MD (Mephedrone) नावाचा सदृश अंमली पदार्थ किंमत ३,१३,०५०/- रु चा मुद्देमाल जप्त करण्यात आला. त्यास दि. ७ एप्रिल २०२५ रोजी न्यायालयासमक्ष हजर करण्यात आले. न्यायालयाने त्यास ४ दिवसांची पोलीस कोठडी सुनावली आहे. आतापर्यंत या गुन्ह्यात ८,११,३००/- रुपयाचा मुद्देमाल जप्त करण्यात आला.

सदरची कारवाई ही पोलीस अधीक्षक कुमार चिंता, अपर पोलीस अधीक्षक पियुष जगताप, स्थानिक गुन्हे शाखेचे पोलीस निरीक्षक सतिश चवरे यांच्या मार्गदर्शनात सपोनि संतोष मनवर, पोलीस अंमलदार योगेश गटलेवार, अजय डोळे, विनोद राठोड, प्रशांत हेडाऊ, निलेश राठोड, रितुराज मेडवे, आकाश सहारे सर्व स्थानिक गुन्हे शाखा, यवतमाळ तसेच पोउपनि महेंद्र साळवे, पोलीस अंमलदार मंगेश ढबाले पो.स्टे कळंब यांनी केली.