निळे झेंडे हे निळेच फेटे, बोले गरजून भिमाचे बेटे, सा-या जगात डॅशिंग वाणी रे, माझ्या बापाची जयंती आली रे

चिकणी डोमगा येथे भिमजयंती महोत्सव थाटात, महादिप परिक्षेतील विद्यार्थी, शिक्षकांसह विविध क्षेत्रात मान्यवरांचा सन्मान

यवतमाळ :

निळे झेंडे हे निळेच फेटे
बोले गरजून भिमाचे बेटे
सा-या जगात डॅशिंग वाणी रे 
माझ्या बापाची जयंती आली रे

महाराष्ट्राच्या सुप्रसिद्ध गायीका मंजुश्री शिंदे यांनी हे भिमगित सादर करुन प्रेक्षकांना मंत्रमुग्ध केले. मी रोज मरतो रमा... लय बळ आल माझ्या दुबळ्या पोरात... यासह अन्य भिम गित सादर करुन प्रेक्षकांची दाद मिळविली.

भीम तरुण उत्साही मंडळ, यशोधरा महिला मंडळ, विशाखा महिला मंडळ चिकणी डोमगा यांच्या वतीने महात्मा ज्योतीबा फुले व भारतरत्न डॉ. बाबासाहेब आंबेडकर यांच्या जयंती निमित्त चिकणी डोमगा येथे भिमजयंती महोत्सवाचे आयोजन केले होते. ११  एप्रिल रोजी महात्मा ज्योतिबा फुले जयंती कार्यक्रमाचे आयोजन केले होते. सकाळी पंचशिल झेंड्याचे ध्वजारोहण करुन बुध्द वंदना घेण्यात आली. त्यानंतर महात्मा फुले यांना अभिवादन करण्यात आले. तिस-या सत्रात सायंकाळी महात्मा फुले व डॉ. बाबासाहेब आंबेडकर जयंती उत्सवाचे उद्घाटन डीवायएसपी तथा नेर पोलीस ठाण्याचे प्रभारी रोहित ओव्हाळ यांच्या हस्ते उद्घाटन करण्यात आले. स्वागताध्यक्ष पुणे येथील युवा उद्योजक धर्मेश गणविर तर प्रमुख पाहुणे म्हणून प्रशिक शिक्षण संस्थेचे अध्यक्ष मोहन भोयर, प्रमुख अतिथी सरपंच अमोल निंबाळकर, पोलीस पाटील उमेश मेश्राम, नायब तहसीलदार रविंद्र कापशिकर, शिक्षक विनोद चव्हाण उपस्थित होते. यावेळी सुप्रिया वानखडे यांनी ‘रमाई’ एकपात्री नाटीका सादर करुन उपस्थितांचे मने जिंकली. दि. १२ एप्रिल रोजी चित्रकला स्पर्धा, संगित खुर्ची, पैठणी कार्यक्रम, सांस्कृतीक कार्यक्रम, गायन स्पर्धा,  नृत्य स्पर्धा पार पडल्या. रात्री सुप्रसिध्द गायिका मंजुषा शिंदे यांनी भिमगीताच्या माध्यमातून प्रबोधन केले. या कार्यक्रमाला प्रमुख पाहुणे म्हणून माजी जि. प. सदस्य निखील जैत,  मुरलीधर बोरकर, राजकमल कापशिकर, अभियंता संजय डोंगरे, धर्मपाल रामटेके, मनोज घरडे आदि उपस्थित होते.  दिनांक १३ एप्रिल रोजी अमोल गणविर यांच्याकडून भोजनदान देण्यात आले. तर सायंकाळी महादिप परिक्षा उत्तीर्ण विद्यार्थी, शिक्षकासह शासकीय सेवेतील अधिकारी, कर्मचारी, उद्योजक, कलाकार, पत्रकारीता व विविध क्षेत्रातील मान्यवर व्यक्तींच्या सत्कार करण्यात आला. या कार्यक्रमाच्या अध्यक्षस्थानी खासदार संजय देशमुख हे होते. तर प्रमुख पाहुणे म्हणून माजी गृहराज्यमंत्री माणिकराव ठाकरे, दि महाराष्ट्र स्टेट कॉ-ऑप. हाउसिंग फायनांस का. मुंबईचे अध्यक्ष वसंत घुईखेडकर, नेरचे माजी नगराध्यक्ष पवन जयस्वाल, यवतमाळ जिल्हा मध्यवर्ती बॅकेचे माजी संचालक बाबु पाटील जैत, राष्ट्रवादी कॉग्रेसचे तालुकाध्यक्ष सुनिल खाडे, केंद्रीय सुरक्षा विभागाचे माजी अधिकारी मुकींदा घरडे उपस्थित होते. यावेळी गझलकार प्रा. रुद्रकुमार यांनी तुम्याच्या मुळेच बाबा मी श्वारस घेत आहे, निळ्या पाखराची वंदना, कुंभारा परी तू भिमा हे गित सादर करुन श्रोत्यांच्या मनाचा ठाव घेतला. यावेळी सह गायीका विशाखा खोब्रागडे ह्यांनी भिमगित सादर केले. या कार्यक्रमाचे निवेदक रुपेश कावलकर हे होते. रात्री १२ वाजताच्या सुमारास महामानव डॉ. बाबासाहेब आंबेडकर यांच्या जन्मोत्सवा निमित्य केक कापुन आतिषबाजी अभिवादन करण्यात आले. १४ एप्रिल रोजी सकाळी ध्वजारोहण करुन बुद्धवंदना घेण्यात आली. सकाळी बाईक व कार रॅली काढण्यात आली. तर सायंकाळी गावातून रॅली काढून डॉ. बाबासाहेब आंबेडकर यांची जयंती थाटामाटात साजरी करण्यात आली. या कार्यक्रमाचे बहारदार संचालन शिक्षक रत्नपाल रामटेके, शिक्षक अमोल चव्हाण व अमोल घरडे यांनी केले. या कार्यक्रमाच्या यशस्वीतेसाठी आयोजन समितीचे अध्यक्ष योगेंद्र रामटेके, सुहास मडके, निलकमल बोरकर, देवानंद बोरकर, स्वागताध्यक्ष धर्मेंद्र गणविर, सुशिल घरडे, अमोल वासनिक, अमोल मेश्राम, मनोज मेश्राम, विनोद गोंडाणे, गौतम मेश्राम, सिद्धार्थ लांजेवार, कामराज गोंडाणे, भगवान कापशिकार, प्रतिक मेश्राम, महेश मेश्राम, सुग्रीव बांबोर्डे, प्रकाश बन्सोड, राहुल लोखंडे, मंगेश बोरकर, स्वप्नील देशभ्रतार, प्रद्युम शेंडे, दिनेश डोंगरे, प्रदिप कापशिकर, विक्की कापशिकर, धनंजय बांबोर्डे, आशिष कापशिकर तथा भीम तरुण उत्साही मंडळ, यशोधरा महिला मंडळ, विशाखा महिला मंडळ चिकणी डोमगा यांनी सहकार्य केले.